Vullnet Spahiu, ish-student i lëvizjes studentore të viteve ’90 dhe tregoi se si nisi lëvizja që çoi në rënien e komunizmit.
Në një intervistë për Euronews Albania, Spahiu kujtoi se nismëtarë ishin studentët e inxhinierisë mekanike dhe elektrike të cilët dolën nga godinat e Qytetit Studenti pasi u fikën dritat.
Ai tregoi se si mëngjesin e 9 dhjetorit studentëve u ishin bashkuar edhe pedagogët, mes të cilëve Sali Berisha.
“Berishën e kundërshtuam se na tha djema, kërkesat tuaja do realizohen. E përzumë nga foltorja, atëherë ai u kthye dhe tha: unë jam me ju nëse ju bashkoheni me mua. Unë jam për pluralizëm politik, jo kërkesa ekonomike. Atëherë iu bashkuam të gjithë. Ishim të bindur se liri mendimi pa pluralizëm nuk kishim”, kujtoi Spahiu.
