Zhvillime të reja kanë ndodhur për rastin e masazhatorit shqiptar në Greqi, i cili akuzohet për tentativë përdhunimi ndaj një 23-vjeçareje që vizitoi qendrën për masazh dhe u sulmua seksualisht. I akuzuari është i lirë, por sot dha deklarimin e tij.
Ngjarja ka ndodhur mesditën e 26 nëntorit, ku vajza ishte e shtrirë gjysmë e zhveshur në shtratin por në vend që të shijonte masazhin, masazhatori akuzohet se i tërhoqi me këmbëngulje të mbathurat dhe kur e reja i tha të ndalonte, ai jo vetëm që nuk e respektoi, por shkoi aq larg sa i vendosi gishtat në organet gjenitale.
Në shpjegimet që masazhisti shqiptar i ka dhënë autoriteteve, ai ka folur për jetën e tij, familjen dhe aktivitetin e tij si operator kamerash në një emision të njohur televiziv.
Ai ka mohuar denoncimin e vajzës, duke e quajtur të rreme, të pavërtetë dhe kontradiktore.
Dëshmia
“Unë jam një profesionist i ndershëm dhe modest, një asistent fizioterapist me njohje dhe vlerësim nga kolegët dhe klientët, pasi nuk ka pasur asnjëherë një ankesë ndaj meje. Dua t’i kërkoj falje vajzës dhe të gjithëve. Ajo la një takim në dyqanin tim, një biznes familjar për të masazhuar këmbët dhe të pasmet e saj për celulitin. Kishte lënë një takim tjetër por nuk kishte ardhur. Hera e parë ishte ajo ditë që erdhi. E thirra dhe e pyeta nëse donte të vinte pasi nuk kishte ardhur në takimin e mëparshëm. Më parë kam punuar si kameraman në kanale televizive. Katër vitet e fundit punova për z. (s.s.: përmend emrin e gazetarit të njohur).
Ndryshova profesionin sepse më pëlqente dhe doja të ndihmoja njerëzit. Nuk e kuptova se si u keqkuptua, dhe nëse u keqkuptua, i kërkoj shumë falje. Si mund ta bëja një gjë të tillë, ne bëjmë punën për të rritur fëmijët tanë. Dora mund të ketë rrëshqitur, përgjithësisht kjo ndodh me vajra dhe lëvizje masazhi, të cilat duhet të jenë të fuqishme. Ndoshta e kam tepruar pak por nuk e kam kuptuar. Të brendshmet e disponueshme kanë dy shirita, një në secilën anë shumë të hollë, ndaj masazhin e filloj nga barku, i kalova duart poshtë shiritit për të vazhduar deri te kofshët”, tha ai.
Më tej, shtoi:
Nuk mbaj mend që ka ndodhur diçka tjetër, lëvizjet e mia ishin intensive dhe bëja masazh. Nuk e kuptova pse do të keqkuptohej. Ne folëm për 5 minuta para se të largohej. Gjithçka e kam bërë në mënyrë korrekte dhe profesionale, nëse gjatë masazhit më ka rrëshqitur dora dhe nuk e kam kuptuar, kërkoj sërish falje. Nuk do ta bëja këtë në biznesin tim, nuk jam në atë pozicion me problemin e zemrës që kam dhe nuk do ta bëja kurrë, jam baba i tre fëmijëve. Mund të bëj sërish një operacion në zemër.”
Deklarata e avokatit
Avokati i vajzës, z. Evangelos Trumpetaris, duke folur për protothema.gr, theksoi se ngjarja e ngacmimit seksual ka ndodhur vërtet dhe se viktima ka gjetur forcën mendore për ta denoncuar tek autoritetet.
