Një alarm për bombë në aeroportin e Glasgow në Skoci ka ngjallur panik te pasagjerët që prisnin fluturimet e tyre. Mësohet se në aeroport ndodhen dhjetëra shqiptarë të bllokuar nga situata e krijuar.
Burime për Gijotina.com bëjnë me dije se qytetarët janë futur në vend strehim brenda aeroportit për të qenë të sigurt derisa ngjarja të zbardhet.
Më herët, një avion që po shkonte drejt Mbretërisë së Bashkuar ka devijuar për në Pragë pasi u ngrit alarmi për “bombë të mundshme” në bord.
Avioni po fluturonte për në Bristol nga Polonia kur piloti u detyrua të ndryshonte rrugën drejt kryeqytetit çek. Një ulje emergjente u bë në orën 22:50 të mbrëmjes së kaluar në aeroportin Vaclav Havel të Pragës.
