Platforma e muzikës Spotify ka nxjerrë statistikat vjetore për një pjesë të madhe të artistëve. Të dhënat u publikuan në prag fundviti. Shifrat flasin për faktet se sa herë është dëgjuar secili këngëtar, sa orë ka shpenzuar në prurjet e realizuara, sa dëgjues e po ashtu edhe në sa vende.
Njëri nga të cilat ka publikuar shifrat është rap-artisti i njohur nga Ferizaj, Gramos Aliu – Mozzik.
Sipas asaj që ka shpërndarë në InstaStory, 27-vjeçari është dëgjuar mbi 92 milionë herë nga plot 4.6 milionë dëgjues.
Numri i orëve të shpenzuara në projektet e tij është 4.1 milionë në 177 vende të ndryshme.
