Mungesa e një mjeti identifikimi me vete ka bërë që emri i vajzës së dytë që mbeti viktimë në aksidentin tragjik që ndodhi rreth orës 02:00 pas mesnate në autostradën Durrës-Tiranë, të zbulohet vetëm pasditen e sotme.
Viktima është 24-vjeçarja Roxhesa Klironomi, që banonte në lagjen Nr.5 të qytetit të Durrësit dhe u shua në lule të rinisë së bashku me shoqen e saj Silva Gjergji, nga Rubiku.
Të dyja vajzat pasi kishin darkuar në qytetin bregdetar me 26-vjeçarin problematik Arbër Tivari, janë nisur me të në drejtim të kryeqytetit, me një automjet tip “Ford”.
Ky udhëtim u ndërpre në mes tragjikisht me automjetin që u bë copash, teksa trafikndarësja e autostradës e ka përshkuar mes për mes duke i marrë jetën dy vajzave.
Sa i përket Tivarit, ai ndodhet në gjendje të rëndë në Spitalin e Traumës.
Ndërkohë, të afërm të 24-vjeçares pasi kanë marrë vesh lajmin kanë shprehur ngushëllime në rrjetet sociale, për ndarjen nga jeta të saj duke e cilësuar si një vazjë çapkëne dhe me zemër bujare.
