Policia ka ndaluar kërkesën e Sali Berishës për të zhvilluar protestë më 6 dhjetor, ditën kur në Tiranë organizohet samiti me liderët e BE.
Policia thotë se në fashën e kërkuar nga PD për të zhvilluar tubimin, aksi cilësohet perimetër sigurie nga ora 12:00 deri 16:00.
Në shkresën drejtuar përfaqësuesit të PD, policia sugjeron zhvillimin e protestës në një vend ku nuk është përcaktuar perimetër sigurie për samitin.
Sipas policisë, perimetri i sigurisë është përcaktuar së bashku me strukturat e sigurisë të delegacioneve pjesëmarrëse në samit.
Më herët gjatë kësaj së Premteje, Berisha shprehu bindjen se protesta do të zhvillohet për ti treguar Europës problemet e vërteta të shqiptarëve.
