Gjykata e Apelit në Tiranë ka dënuar me 8 vite burg Klajdi Shundin, i cili vrau kunatin e tij, Vladimir Zvezhda natën e ndërrimit të viteve më 1 janar 2021.
Shundi në dëshmitë e tij ka pretenduar se nuk mbante mend asgjë nga ngjarja ndërsa tha se me viktimën, Vladimir Zvezhda, ka pasur marrëdhënie të mira.
Klajdi Shundi kishte ftuar motrën dhe kunatin e tij për Vitin e Ri për të festuar blerjen e një apartamenti të ri. Pasi kanë pirë dhe janë dehur, viktima është konfliktuar me bashkëshorten e tij, që është edhe motra e 34-vjeçarit.
Shundi i ka kërkuar kunatit që të mos grindej në apartamentin e tij, por të shkonte dhe të sqarohej në shtëpinë e tij. Pasi kanë dalë nga apartamenti i Shundit, poshtë pallatit, sherri ka vijuar midis dy bashkëshortëve dhe fëmijët e tyre lajmëruan dajën. Ai është përleshur fizikisht me kunatin dhe më pas e ka qëlluar me thikë në qafë duke i shkaktuar vdekjen.
