Banorët e zonës së Porto Romanos janë tmerruar nga një shpërthim i fortë. Mësohet se shpërthimi ka ndodhur në fabrikën e gazit “GazPower”, e cila është shumë pranë banesave. Thuhet se fabrika që ka pësuar defektin me rrjedhje e gazit është kompania “Elka”.
Aktualisht janë evokuar banorët ndërkohë mësohet se është ndërprerë mësimi në shkollën “Met Hasa”. Policia ndodhet në vendin e ngjarjes, ku pritet të zbulohet edhe arsyeja që ka çuar në rrjedhjen e gazit nga këto cisterna.
Kjo nuk është hera e parë, që qytetarët ndihen të rrezikuar nga fabrika “GazPower”, ku prodhohen bombola gazi të të gjitha madhësive. Pak kohë më parë, shumë banorë në atë zonë i braktisën shtëpitë, pasi ndiheshin të rrezikuar nga shpërthimet e njëpasnjëshme.
