Vetëm pak muaj më parë, Elsa Lila pushtoi mediat italiane dhe vendase, teksa u njoftua arrestimi i saj, së bashku me një grup kriminal në Romë. Këngëtarja e njohur u arrestua në mars të këtij viti pasi dyshohej për përfshirje në një organizatë kriminale, por pas hetimeve dhe provave këngëtarja u shpall e pafajshme dhe u lirua nga të gjitha akuzat.
Elsa Lila është bërë pjesë e Instagramit, prej disa ditësh. Ajo ka vendosur ta lërë pas të shkuarën e errët në Itali dhe ka vendosur të rikthehet në muzikë.
Pas lajmit që dha më herët se po vjen me një këngë, këtë radhë, Elsa ka rikujtuar edhe nja ndër këngët e saj më të suksesshme. Bëhet fjalë për bashkëpunimin me Pirro Çakon me titull “Diferenca je ti”.
“Diferenca je ti” me Pirro Çako! Kujtime të shkëlqyera, këngë e madhe, festival i madh! Ishim pjesmarrës në festivalin në 2007! Përqafime Pirro, perqafime Pali Kuke”, ka shkruar ajo krah këngës në Instagram.
Kujtojmë se këngëtarja shqiptare u arrestua më 16 mars të këtij viti nga policia italiane pas operacionit për shkatërrimin e një grupi kriminal italo-shqiptar që merrej me trafik droge. Blutë italiane vunë në pranga 9 persona, mes të cilëve edhe këngëtaren 40-vjeçare Elsa Lila, e cila sipas mediave mbante llogaritë financiare të grupit kriminal.
View this post on Instagram
