Reperja Loredana Zefi, surprizoi ndjekësit e saj me një video në rrjetin social TikTok, ku shfaqej pa njërin dhëmb. Ashtu si në shumë raste të tjera kur ka postuar foto pas asnjë filtër, Loredana na tregoi përsëri se nuk e ka problem të ndajë me ne edhe momente të tilla, si ky kur shkon tek dentisti. Jeni kuriozë për rezultatin? E njohur për këngën e saj “Million Dolla Smile”, Loredana thotë se tashmë ka kaluar në “Billion Dollar Smile.”
Reperja publikoi një video në profilin e saj në TikTok, ku shfaqet me ‘dhëmbët e rinj’ me vlerë marramendëse. Në një koment të videos ajo shkruan: “E rregullova dhëmbin.”
Dhëmbët flori apo diamant janë një trend tashmë për reperët më të njohur në të gjithë botën që i kanë bërë, dhe trendit iu bashku edhe Loredana. Fundja, pse jo? Trendi ka lindur që në vitet ’80, kur shumë personazhe publikë filluan të bëjnë dhëmbë floriri, ose argjendi.
Loredana ishte gjithashtu mjaft aktive duke iu përgjigjur shumë prej komenteve të ndjekësve të saj.
