Banorët e disa fshatrave kanë dalë sot në protestë para bashkisë së Mirditës për shkak të gjendjes së mjerueshme të rrugës Rrëshen-Bukmirë.
Të mbledhur para bashkisë ata kërkojnë rikonstruksionin e rrugës, e cila është bërë e pakalueshme dhe e rrezikshme për jetën e drejtuesve të mjeteve.
“Kryetari i bashkisë nuk na ka përfillur fare ne banorëve. Në mënyrë kategorike jemi shumë të lodhur. Lutje nuk do i bëj, për zonën e Kashnorit nuk do t’ia dijë ku jemi”.
Madje, njw tjetwr banor e cilësoi atë si rruga e vdekjes.
“Masakra që është bërë në atë rrugë nuk ka parë në histori, nuk është rruga e njerëzimit, është rruga e vdekjes së njerëzimit. Iu bëj thirrje deputetëve të parlamentit të mos rrinë në karrige por të shohin rrugën dhe poshtërsinë që është bërë atje, vjedhjen e hajdutëve që është bërë atje dhe si është masakruar ajo zonë me 13 fshatra. Mos na çoni fadroma koti. Ai turku po bën miliona, po merr pasurinë tonë”.
