Mozzik ka lansuar këngën më të re e cila titullohet “Të Dua”, ku kjo këngë i është dedikuar vajzës së tij Hanës. Në këtë këngë reperi ka shprehur keqardhje për faktin që nuk ka mundur të ishte pranë saj, pasi prindërit e saj janë ndarë.
Loredana është shumë aktive në rrjetet e saj sociale, e cila poston foto dhe video të ndryshme nga jeta e saj personale dhe profesionale.
Së fundmi, përmes disa pyetjeve virtuale të realizuar me ndjekësit e saj në Instagram, Loredana u është përgjigjur pyetjeve të ndjekësve të saj.
Fansat të cilët duket se janë prekur nga kënga e reperit e kanë pyetur Loredanën se përse e ka larguar Hanën nga Mozzik.
Një komentues e ka pyetur: “Përse e ke larguar Hanën nga babai i saj?”.
Por këngëtarja nuk ka nguruar që t’i përgjigjet, e cila ka shkruar e irrituar:“Nuk do ta bëja kurrë një diçka të tillë!!!”.
