Një ngjarje e rëndë është shënuar në Kosovë, ku dy vëllezër kanë tentuar të rrëmbejnë dy vajza të mitura pasi i kanë ngacmuar seksualisht. Mësohet se të rinjtë kanë tentuar t’i fusin me forcë në makinë dy vajzat. Ndërkaq “blutë” e Kosovës bëjnë me dije se një nga autorët e ngjarjes është vënë në pranga, ndërsa tjetri ndodhet ende në kërkim.
“NGACMIM SEKSUAL/Istog 09.09.2022 – 21:30. Është arrestuar i dyshuari mashkull kosovar për shkak se së bashku me vëllain e tij i cili gjendet në arrati, duke i mashtruar i kishin ngacmuar dhe tentuar ti fusin në veturë dy viktimat e mitura femra kosovare.
I dyshuari pas intervistimit me vendim të prokurorit është dërguar në mbajtje.”-njofton policia.
