Aeroporti i Rinasit ka reaguar pas hakerimit të sistemit TIMS në Shqipëri duke bërë një njoftim të rëndësishëm për pasagjerët.
Në njoftimin zyrtar të aeroportit, thuhet se pavarësisht problemit, fluturimet vazhdojnë sipas planit pa vonesa. Gjithashtu, TIA iu bën thirrje pasagjerëve që të jenë të pranishëm në aeroport 2:30 orë përpara për të shmangur çdo shqetësim.
“Aeroporti Ndërkombëtar i Tiranës njofton të gjithë pasagjerët se pavarësisht problemeve momentale me sistemin TIMS, operimet vazhdojnë pa vonesa në aeroport. Fluturimet vazhdojnë sipas planit, megjithatë, ju lutemi të jeni të pranishëm në TIA 2:30 orë përpara për të shmangur çdo shqetësim”, thuhet në njoftim.
