Sulmi kibernetik mbi sistemin TIMS ka shkaktuar kaos në pikat kufitare tokësore por edhe në porte, duke paralizuar udhëtimin e shumë qytetarëve.
Mësohet se në Portin e Vlorës është pezulluar puna që prej mëngjesit.
Kjo ka shkaktuar një fluks të lartë pasagjerësh në piken e kalimit të kufirit në portin e Vlorës.
Bëhet me dije se kalimi i pasagjerëve do të kryhet në mënyrë manuale në portin e Vlores.
Në njoftimin e bërë për sulmin kibernetik, kryeministri Edi Rama tha se është shënuar mbrëmë mbi sistemin TIMS. “Vazhdojmë punojmë përditë pa orar me aleatët për t’i bërë të papenetrueshme sistemet tona digjitale”, tha Rama.
