“Do na mungosh”, shqiptari humb jetën në vendin e punës, mesazhet prekëse të kolegëve

Një 38-vjeçar shqiptar ka humbur jetën papritur teksa po punonte në një kantier. Shqiptari Sokol Mazija humbi jetën në spitalin Santa Chiara në Trento. Kolegët e tij, në mesazhet e tyre shprehen se ndihen të pikëlluar nga ndarja nga jeta e shqiptarit.
“Është një makth nga i cili nuk mund të zgjohemi. Tani prehu në paqe, diell. Të gjithëve do të na mungosh ”.-tha ai.
Sokoli jetonte në Vigolo Vattaro dhe për ta larguar nga familja ishte një sëmundje e papritur që bëri që një komunitet i tërë të bjerë në zi, i cili tashmë është mbledhur rreth gruas dhe tre fëmijëve të tij të vegjël për ngushëllime.
Sëmundja e preku mëngjesin e djeshëm kur Sokol Mazija u rrëzua papritur përtokë përballë kolegëve të tij të cilët dhanë menjëherë alarmin. Më pas ai u transportua në spitalin e Trentos me helikopter në gjendje shumë të rëndë. Në vendngjarje kanë ndërhyrë karabinierët dhe stafi i Uopsalit .
Në Santa Chiara mjekët bënë gjithçka për ta shpëtuar, por për fat të keq 38-vjeçari nuk mbijetoi. Disa orë pasi mbërriti në Santa Chiara, zemra e tij ndaloi.