Ky sezon turistik e ka gjetur të papërgatitur Ksamilin për t’i ofruar kushtet e nevojshme turistëve që zgjedhin këtë vend për të kaluar pushimet. Banorët që japin dhoma me qira shprehen se prej mungesës së ujit janë detyruar të lënë pushimet në mes.
“Dal në rrugë me zë klientë, klienti më ikën. Më kanë ikur 2 djem nga Elbasani ma nxinë jetën sikur e kisha fajin unë se s’ka ujë. Me të ardhurat nga turizmi jetoj me gjithë familjen.”
Gjatë verës ky fshat turistik më së shumti po furnizohet me ujë nga autobotët. Uji i rrjetit ju vjen një herë deri dy herë në ditë nga një orë.
“Kush është lart në fshat nuk i shkon, uji atyre të pjesës së kodrës.”
“Që në fillim të sezonit s’ka, vetëm në dimër ka ujë. Po e blejmë me lekë.”
“Mbajmë rezerva, vijnë dhe autobotet.”
Të tjerët kanë gjetur zgjidhje alternative kanë depo, po shpesh herë ato nuk ju mbushen.
“Kam bërë depo 7-8 milionë. Unë me depo dhe kam ngelur pa ujë. Bashkisë i kemi thënë s’më mbetet gjë tjetër veç të gjej një pistoletë me vra veten.”
