Mes zërave për një rikthim mes Keisit dhe Stresit, ky i fundit ka vendosur të thumbojë hapur ish-partneren e tij. Gjatë një intervistë të shkurtër në prapaskenën e “Aplha Show”, ku Stresi ishte pjesëmarrës, ai u pyet nga gazetarët për look-un e tij.
“Kujt ia dedikon këtë look sot?”- ishte pyetja që iu drejtua Stresit, i cili nuk i kurseu thumbimet në përgjigjen e tij.
“Ish-it, ta shohë se çfarë ka humbur”- u përgjigj Stresi, duke mos përmendur emra se cilës nga ish-partnereve i drejtohet. Megjithatë lidhje publike dhe e bujshme e Stresit është ajo me Keisin, me të cilën edhe u martua.
Kujtojmë se, Stresi dhe Keisi rrëmbyen vëmendjen e ndjekësve me veprimet e tyre kohët e fundit duke ngritur dyshime se mund të jenë rikthyer sërish bashkë. Reperi ka publikuar këngën e re me titull “M’ke harru” që dukej si dedikim për ish-partneren.
Në këngë Stresi flet për një histori dashurie të përfunduar teksa shprehet se nuk do gjejë më si partnerja në këngë dhe premtoj se do jetë gjithmonë pranë saj. Mes të tjerash në tekst ai thotë: “Rrugët shumë të zbehta/ Por si ti kurrë nuk gjeta/ E kur ty të gjeta mua mu zgjat jeta… Shoqet mos i nij ato kanë shpirtin e zi/ Tu t’fol keq për mu, ato të japin mërzi…Edhe nëse m’ki harru kujt po i thua të du/Ti për mu ke maru, veten se gjen pa mu…Dashnia m’premtoj/ Amo unë s’ia kthej mbrapa/Unë jom pro saj derisa t’bjen nata.”
Sakaq, Keisi publikoi një video me këtë këngë në Instastory duke i hedhur akoma më shumë benzinë zjarrit.
Kohët e fundit ish-çifti ka patur një marrëdhënie të tensionuar e madje nuk kanë munguar as ironizimet mes tyre. Stresi është shfaqur disa herë me vajza të ndryshme misterioze duke u shprehur se ai ka disa të dashura. Nga ana tjetër, edhe Keisi është parë në shoqërinë e një djali misterioz për të cilin sqaroi më pas se janë thjesht miq.
E pas këtyre tensioneve dhe mungesës së postimeve të përbashkëta, duket se ‘gjakrat’ mes ish-çiftit janë ulur sërish.
