Çmimet e benzinës në Shtetet e Bashkuara kanë rënë për 57 ditë radhazi që kur arritën një nivel maksimal prej më shumë se 5 dollarë për gallon qershorin e kaluar, duke ndikuar në tregjet botërore.
Në mesin e qershorit, çmimi mesatar i benzinës në SHBA kishte kaluar për herë të parë 5 dollarë për gallon.
Megjithatë, që atëherë, çmimet kanë rënë, duke lëvizur tani rreth 4 dollarë për gallon.
Sipas New York Times, tre faktorë kanë çuar kryesisht në këtë rënie: Kërkesa më e dobët (kostot e larta kanë bërë që shumë amerikanë të fillojnë të përdorin makinën më pak) – Rënia e çmimeve globale të naftës në muajt e fundit – Dhe lëvizja e një sërë shtetesh amerikane (Maryland, Georgia, Connecticut, Florida, California, etj.) për të pezulluar/hequr përkohësisht taksat e benzinës.
Pavarësisht se kjo ulje ka ndikuar në tregjet botërore, Shqipëria për një arsye apo në tjetër mbetet jashtë efektit “domino”. Një ditë më parë, Bordi i Transparencës, jo vetëm që nuk e uli çmimin e naftës, por e rriti në shifrën e 216 lekëve.
