Lideri i Partisë Demokratike Sali Berisha, ka reaguar për ngjarjen e rëndë që ndodhi ditën e sotme në Rrajcë, ku një 48-vjeçar u vetëvra për shkak se i ishte ndërprerë energjia elektrike.
“Sot u gjet një qytetar i varur që i kishin prerë dritat. Shteti nuk pret dritat kush nuk e paguan duhet t’ia paguash ti. Nuk kthehesh dot në kohën e qiririt. ka me qindra mijëra shqiptarë që sistemohen si emigrantë dhe u paguhen dritat ose u jepen para për ti paguar. Ata që s’kanë do u marrësh përsipër ti paguash ujin, energjinë, ilaçet, kafshatën. Por këta zhdukin qindra mln euro në muaj apo 6 muaj”, u shpreh Berisha.
Kujtojmë që Fatos Çollaku është gjetur i varur në një pemë afër shtëpisë. Ai jetonte në kushte tepër të vështira ekonomike dhe prej disa muajsh familjes së tij i kishin ndërprerë dhe energjinë elektrike pasi nuk kishte paguar. 48-vjeçari jetonte bashkë me motrën, me ndihmat e banorëve të fshatit.
