Lajmi i vajzës 7-vjeçareje e cila ka humbur jetën në Himarë pasi është goditur nga një gomone e drejtuar nga Arian Tase, ka tronditur mbarë vendin.
Gazetarja Esmeralda Keta, e cila ka qenë pranë vendit të ngjarjes, ka rrëfyer detaje rrëqethëse të tragjedisë ku humbi jetën vogëlushja.
Me anë të një postimi në Facebook, ajo ka treguar se trupi i vajzës ishte në atë gjendje që askush nuk merrte guximin të hynte në det e të mblidhte trupin e të voglës.
Gazetarja, tregon vendin ku ndodhi tragjedia ku në vendin ku është nxjerr trupi i pajetë i vajzës është vendosur një kukull.
“Mëngjes i trishtë sot në Potam…
Një kukull që pret vajzën e vogël të luajë me të, një lule për lule jetën e re që nuk e mbrojtëm dot, rrobat e familjarëve ende mbi shezllonë dhe plazhi krejtësisht i braktisur…
Ikën të gjithë, ikën të shpëtojnë fëmijët e tyre, sepse nuk ditëm t’u krijojmë një vend të sigurte. Sot të gjithë jemi fajtorë, e pafajshmja u bë engjëll”, shkruan në Facebook gazetarja.
