Del foto e autorit të vrasjes që tronditi kryeqytetin. Alban Maneri dhunoi për vdekje fqinjin e tij, Nikolin Stakën pas një konflikti për motive të dobëta. Gjithçka nisi pas konfliktit të autorit me një grua për vendin e parkimin. Viktima Staka, 56 vjeç, me profesion mësues, i lindur në Laç dhe banues prej një muaji në Tiranë, i cili ka jetuar më parë në Belgjikë, kritikoi autorin për konfliktin që po bënte me një grua.
Meneri është ndjerë i bezdisur dhe i ofenduar nga kjo kritikë dhe i ka kërkuar Stakës që të zbresë poshtë në mënyrë që të sqarohen. Pasi Staka ka zbritur poshtë, Meneri e ka qëlluar me grushte në kokë, gjymtyrë e qafë dhe është larguar nga vendi i ngjarjes, ndërsa 56-vjeçari dyshohet se ka gjetur vdekjen brenda në banesën e tij nga hemorragjia.
Konflikti ka ndodhur më datë 30, por trupi i pajetë u gjet në banesë më datë 31. Policia, më tej bën me dije që Meneri është problematik dhe ka pasur edhe raste të tjera kur është përfshirë në konflikte të dhunshme.
