Komisioni i Prokurorimit Publik pas sulmit kibernetik në portalin qeveritar në e-Albania, është rikthyer në funksion. Lajmi është bërë i ditur nga vetë Komisioni i Prokurorimit Publik, i cili thekson në njoftim se të gjitha subjektet e interesuara mund të marrin informacion në kohë reale në faqen e internetit të Komisionit. Ndër të tjera KPP, thekson se asnjë dhënë nuk është prekur gjatë sulmit kibernetik.
“Komisioni i Prokurimit Publik njofton operatorët ekonomikë, autoritetet kontraktore dhe të gjitha subjektet e interesuara, se faqja zyrtare e internetit ëëë.kpp.al dhe Sistemi i Ankesave Elektronike në E-Albania është rikthyer tashmë në funksion të plotë. Në faqen zyrtare të Komisionit janë përditësuar të gjitha ankesat e dorëzuara, vendimet dhe çdo akt në zbatim të ligjit. Tashmë, autoritetet kontraktore, operatorët ekonomikë dhe subjektet e interesuara mund të marrin informacion në kohë reale në faqen e internetit të Komisionit. Gjithashtu, operatorët ekonomikë vendas dhe të huaj mund të dorëzojnë në rrugë elektronike, ankesat dhe argumentet, si dy shërbime në portalin unik qeveritar E-Albania.
Komisioni sqaron të gjitha grupet e interesuara, se falë sistemeve të sigurta të ndërtuara në bashkëpunim me Agjencinë Kombëtare të Shoqërisë së Informacionit, nuk ka asnjë dëmtim apo shpërndarje të paautorizuar të të dhënave të Sistemit të Ankesave Elektronike dhe se të dhënat janë të sigurta. KPP-ja falenderon median e shkruar dhe elektronike për bashkëpunimin e ndjekur dhe për publikimin e njoftimeve mbi mënyrën e ofrimit të shërbimeve gjatë gjithë kësaj periudhe, si edhe Agjencinë Kombëtare të Shoqërisë së Informacionit për mbështetjen e dhënë për zgjidhjen në një kohë të shpejtë të problematikës së shkaktuar si pasojë e sulmit të sinkronizuar kibernetik.”-njofton Komisioni i Prokurorimit Publik.
