Prej ditësh një zjarr i fuqishëm ka shkrumbuar sipërfaqe të mëdha pyjore në malin e Holtës. Bëhet me dije se e përkeqësuar shfaqet situata aty ku ndahet kufiri gjeografik pyjor i rretheve Gramsh, Përrenjas dhe Pogradec. Veç vështirësive të terrenit dhe luftës me flakët , zjarrfikësit janë përballur dhe me shpërthimet e fuqishme të municioneve luftarake, të cilat dyshohen të jenë të luftës së dytë botërore.
Fatmirësisht në momentin e shpërthimit efektivët e zjarrfikëses ndodheshin në krahun tjetër të malit në flakë. Shefi i zjarrfikëses së Gramshit, Ilir Llapushi thotë se fatmirësisht nga shpërthimet nuk ka asnjë efektiv të lënduar.
Por, nga ana tjetër shprehet se shuarja e zjarreve në këtë pikë është pothuajse e pamundur, pasi era i favorizon dhe duhet ndërhyrje nga ajri.
