Një krim i rëndë ka ndodhur në Itali, ku një burrë ka tentuar të vrasë gruan e tij me gërshërë. Mësohet se gruaja, një e moshuar 71 vjeç ishte duke pushuar në shtrat në momentin kur ndodhi ngjarja e rëndë. Fatmirësisht e moshuara i shpëtoi sulmit dhe përfundoi në spital ku ndodhet jashtë rrezikut për jetën. Autori i krimit, 74-vjeçari nga Caivano (Napoli) ka rënë në prangat e karabinierëve menjëherë.
Ngjarja
I moshuari ka përfituar nga fakti që gruaja e tij ishte duke fjetur për ta goditur me gërshërë në fyt dhe gjoks. Gruaja e përgjakur ka bërtitur ndërsa kanë qenë fqinjët që kanë thirrur karabinierët dhe pak më pas kanë mbërritur familjarët, të cilët kanë shpëtuar 71-vjeçaren.
Më pas gruaja iu nënshtrua një operacioni urgjent dhe u shtrua në spital me plagë të thella.
