Ato nuk formohen si rezultat i stërvitjes, por mesa duket ai është një ndër ithtarët më të fundit në trajtimin e mjekësisë tradicionale kineze të njohur si “kupa të zjarrta” ose ndryshe vendosja e kupave të nxehta mbi lëkurë, shkruan “The Independent”.
Atleti amerikanë nuk është i vetmit, apo i pari që aplikon këtë procedurë, në fakt janë disa sportistë që e aplikojnë këtë metodë gjatë këtyre Lojërave Olimpike, por të parët që e kanë “prezantuar”, natyrisht janë ata kinezë.
Praktikuesit e saj pretendojnë se i ndihmon për një seri problemesh, duke nisur që nga dhimbja e muskujve, problemet me lëkurën ku përfshihen aknet dhe ekzemat, çrregullimet me frymëmarrjen, ftohjen e zakonshme, por gjithashtu është përdorur edhe si një trajtim alternativ për kancerin.
Njollat e kuqe formohen pasi gjaku tërhiqet në sipërfaqe, si pasojë e krijimit të vakumit pas djegies së oksigjenit brenda kupës së “zjarrtë”. Shenjat e tyre të kuqe që duken si shenja dhune, apo edhe thithje dashurie (varet nga këndvështrimi) duan deri në dy javë për t’u zhdukur.
