Një trafikant shqiptar ka rënë në prangat e policisë greke. 38-vjeçari, i cili kamuflohej si shpërndarës picash ishte shpërndarës droge në zonën e Kalitheas dhe kishte si bashkëpunëtor një bashkëatdhetar 30-vjeçar. Por nuk zgjati shumë dhe aktiviteti i tij ra në gjurmët e Prokurorisë së Narkotikëve. “Korrieri” shqiptar u vu në vëzhgim deri në mëngjes ku dhe u arrestua. Sipas policisë, 38-vjeçari, në një ambient ndihmës të shtëpisë së tij, ka poseduar me qëllim shitjen e menjëhershme te të tretët, 10 pako me kokainë dhe 2 pako me kanabis të papërpunuar. Atij gjithashtu iu gjetën 3 pako me kokainë brenda shtëpisë së tij në Kalithea.
38-vjeçari ishte arrestuar edhe më parë për vepra të ngjashme që lidhem me trafikun e narkotikëve. Në total nga kontrollet janë gjetur dhe sekuestruar:
1936,5 gram kokainë
1880 gram kanabis i papërpunuar
shuma monetare prej 44 334.4 euro
3 peshore elektronike
makinë
motoçikleta
2 celularë
kutia e kompanisë “delivery”.
