Identifikohet autori i masakrës së paradës së 4 korrikut “Ditës së Pavarësisë” në SHBA, ku 6 persona humbën jetën dhe dhjetëra të tjerë përfunduan të plagosur në spital. Sulmuesi është identifikuar si Robert E. Crimo, 22-vjeç që njëherazi merret me muzikë dhe ka emrin artistik Awake.
Me të dalë në vendin e ngjarjes, policia arrestoi autorin e sulmit, i cili doli nga vetura duke mbajtur duart lart.
Ndërkaq, Daily mail publikon të tjera pamja tronditëse nga ngjarja e rëndë që përgjaku festimet e 4 korrikut. Prindërit e tmerruar janë parë duke kapur fëmijët e tyre që i kishin në karroca, për t’i shpëtuar plumbave që fluturonin në të gjitha anët. Pamjet janë realizuar më telefon të mençur nga një ndërtesë, kurse nga e njëjta lartësi dyshohet se autori i sulmit kishte shtënë me pushkë automatike mbi civilët.
Karrige, karroca dhe batanije të shumta kanë mbetur në vendin ku po mbahej parada, pasi qytetarët me shpejtësi u larguan nga frika se do ta kenë fatin e njëjtë si gjashtë tjerët që humbën jetën.
