Deputeti i Partisë Demokratike, Luçiano Boçi ka publikuar mesazhin e një mësuese, e cila zbulon se i është urdhëruar të paraqitet në punë më 7 korrik, ditën e protestës së organizuar nga opozita. Boçi shkruan se kryeministri e di shumë mirë se çfarë do të thotë protesta e 7 korrikut ndaj dhe përdor si strategji kërcënimet dhe bllokimet. Boçi, thekson se me 7 korrik mësuesit janë zyrtarisht me pushime por detyrohen të paraqiten në punë.
“TMERRI QË VJEN NGA PROTESTA
Rama e di mire se ç’domethënë protesta e 7 Korrikut.
Tmerri e paniku ndaj saj është i prekshëm.
Për ta penguar atë ai nuk përdor thjesht ndryshimin gënjeshtar ditor të çmimit të karburantit.
Ai e di që joshja nuk mjafton.
Ndaj është sulur me hordhinë e tij me bllokime e kërcënime.
Këtë po bën me mësuesit.
Megjithëse zyrtarisht ata janë me pushime urdhërohen nga drejtuesit të paraqiten me forcë në shkollë, kundër çdo ligji e kodi dhe sidomos të jenë prezent në datën 7 Korrik”-shkruan Boçi.
