Megi Pojani dhe futbollisti i Kombëtares Shqiptare, Endri Çekiçi po përfliten për një histori dashurie. Pasi u kapën mat me pushime në ishullin Seychelles, dyshja është shndërruar në çiftin më të komentuar në median rozë.
Por, së fundmi emri i Megit po lakohet krah atij të reperit të njohur nga Kosova, Don Xhoni.
Ishte ky i fundit ai që publikoi një foto ku shihet me aktoren që e përqafon. Por, bëhet fjalë thjesht për një bashkëpunim pasi Megi do jetë protagoniste në videoklipin e ri të artistit.
Prej disa ditësh tashmë Megi dhe Endri po përfliten se janë në një lidhje. Detaje të shumta nga fotot e aktores dhe futbollistit në Instagram konfirmojnë dyshimet e ngritura. Megi dhe futbollisti kanë zgjedhur ishujt e Afrikës Lindore, pikërisht destinacionin e largët për të festuar këtë raport të ri që kanë nisur.
