“Rindërto, prish, rindërto”, si po e vjedh e shkatërron “Lali” Tiranën

Kryetarit të Bashkisë së Tiranës do t’i shkonte për shtat pa asnjë dyshim nofka “hajdut me çizme”. Kjo jo vetëm për faktet që dihen botërisht, por sepse ka vënë në funksion një skemë vjedhjeje galoponte me rindërtimin. Ai nuk le cep të Tiranës pa dalë duke inaugurur shkolla, kopshte, rrugë, fusha, palestra e gjithçka tjetër, ndërkohë që pa kaluar as gjashtë muaj, të gjitha prishen e duhet rindërtuar nga e para. Pra, Veliaj rindërton dhe prish vetëm për të vjedhur. “Rindërto, prish dhe rindërto për të vjedhur!” cilësohet motoja e Lali Vjedhësit, të cilit i shkon për shtat në çdo moment të ditës.
Rasti i fundit ishte ai i Pallatit të Sportit “Farie Hoti”, ku në janar të këtij viti, Kryetari i Bashkisë së Tiranës, Erion Veliaj, bashkë me Presidentin e KOKSH, Fidel Ylli, ku ky i fundit tashmë po privatizon bastet sportive me në krye kumbarin Edi Rama, inauguruan rikonstruksionin e Pallatit të Sportit, duke i uruar klubit të Tiranës shtëpinë e re. Madje, paralajmëruan se shumë shpejt do të merrnin dhe pishinat te liqeni që t’ia kthejnë këtij klubi.
Por gjashtë muaj më vonë, pikërisht në qershor, pallati i sportit është rrënuar sërish pas rindërtimit. Suvaja e tavanit ka rënë mbi parket, duke shkatërruar, jo vetëm tavanin, por gjithë ambientin, i cili ka kushtuar jo pak, megjithëse Veliaj dhe Fidel Ylli e kanë mbajtur të fshehtë tenderin, duke mos e bërë publik sa lekë kanë paguar.
Por kjo nuk është hera e parë që ndodh, pasi gjithçka e rindërtuar nën kujdesin e Lal Plehut, po shembet sërish, e po rindërtohet sërish me lekët tona. Janë prishur shkolla të rindërtuara, kopshte e çerdhe, ku nuk kanë munguar edhe incidente me të dëmtuar, ku kujtojmë shembjen e suvasë te shkolla “Asim Vokshi”, e cila kishte vetëm dy vite që ishte rikonstruktuar, ose rasti i mësueses Elbarina Toshkallari në shkollën Osman Myderizi në Tiranë, e cila mbeti e lënduar, kur një copë suva ra nga tavani kur ajo shpjegonte mësim. Edhe kjo shkollë ishte inauguar një vit para shembjes nga Erion Veliaj, ashtu siç ishte në vitin 2019 edhe shembja suvave në Qytet Studenti, e shumë raste të tjera.
Skema është e thjeshtë: Tendera me vlerë të majme, punime me cilësi të dobët, që fitimi dhe bakshishi të jetë sa më i lartë për hajdutët. Nëse prishen, skema vazhdon sërish nga e para me taksapaguesit kryeqytetas dhe jo vetëm, pasi shpesh herë, Bashkia Tiranë ndihmohet dhe nga kryeministri Rama.
Të gjithë e kanë të qartë, por duket se vetëm prokuroria, e cila nuk heton, nuk e kupton dhe nuk e vërteton dot këtë skemë. Por ndoshta edhe prokuroria nuk ka si e vërteton, pasi siç thotë vetë Veliaj, “SPAK”-un e ka në xhep.