Kryeministrit Edi Rama ka “futur në riedukim” një tjetër gazetar, Klevin Muka, pas pyetjes që ky i fundit i drejtoi ministres Olta Xhaçka.
Gazetari e pyeti ministren Xhaçka nëse takohet me burrin e saj, që tashmë është një biznesmen për shkak të investimit të tij në jug të vendit. Kjo pasi sipas kodit etik, çdo ministër apo deputet duhet të takohet me një biznesmen me praninë e dy përfaqësuesve të administratës.
Rama mori fjalën dhe e dënoi gazetarin duke e përjashtuar për tre muaj nga konferencat për shtyp.
Gazetari: Zonja ministre kam një pyetje vetëm për ty, në 29 prill ka hyrë në fuqi kodi i ri etik për këshillin e ministrave i cili ndalon dhe parashikon sanksione deri në largim nga detyra për ministrat që e shkelin. Një nga pikat është që ministrat nuk duhet të takohen me biznesmenë dhe të takohen vetëm në kushte kur janë në prani të dy punonjës të administratës. Ju e keni zbatuar këtë pikë, a e keni takuar bashkëshortin tuaj biznesmen dhe investitor strategjik nën shoqërinë e punonjësve të administratës apo e keni shkelur?”.
Rama: Tani dëgjo, tani këtu përgjigjen do ta jap unë, do kalosh në riedukim si Ambrozia në tre muajt e ardhshëm, nuk je i mirëseardhur në asnjë konferencë shtypi.
