Boris Johnson i është rikthyer çështjes së largimit të Britanisë së Madhe nga BE. Sipas Johnson, nëse Britania do të ishte ende në BE, nuk do të ofronte një mbështetje kaq të madhe për Ukrainën.
Duke folur për CNN, kryeministri tha: “Unë nuk mendoj se Britania e Madhe brenda Bashkimit Europian dhe brenda llojit të matricës së politikës së jashtme të përbashkët dhe politikës së sigurisë që kishim atëherë, nuk mendoj se do të ishim renditur si vendi i parë europian që armatosi ukrainasit, për t’u dhënë atyre mjetet për t’u mbrojtur kundër Rusisë.
“Unë mendoj se kjo tregon për një vend që i mendon më gjatë gjërat, që mendon për botën me një perspektivë më globale dhe është ambicioz. Kjo nuk do të thotë se ne jemi më pak europianë. Ne jemi ende europianë, por mendoj se kemi një qasje më globale”.
Kur u pyet nëse Mbretëria e Bashkuar është më mirë se sa ishte gjashtë vite më parë kur ishte ende në BE, Johnson shtoi: “Është më mirë. Më lejoni t’ju jap një shembull. Falë pozicionit që mbajtëm, ne kishim një agjenci të pavarur mjekësore që ishte në gjendje të na siguronte vaksinën e parë anti-Covid në MB.”
