Menjëherë pas aksidentit fatkeq të turistit rus që humbi jetën si pasojë e dëmtimit nga një mjet lundrues me motorr (skaf) në plazhin e Himarës, autoritet përgjegjëse dolën duke thënë që po meren masa të urgjente. Sipas komunikatave policia po bën kontrollet e nevojshme dhe nuk do tolerojë më shkelje të tilla.
Dhe ja rezulatati pak ditë më vonë, në bregdetin e Sarandës…
Policia jo vetëm që nuk duket në qarkullim, por as që do t’ia dijë për rrezikun e këtyre mjeteve lundruese që lëvizin pa asnjë problem as 10 metra larg bregut të detit.
Në fakt s’kanë faj dhe policët se me gjithë këtë vapë nuk punohet të themi të drejtën, kështu që zgjedhin të flenë gjumë më mirë dhe njerëzit le të notojnë me frikën që mund t’i afrohet ndonjë nga këto “mjetet e qejfit” dhe t’u rrezikojë jetën.
Pak më poshtë do të shihni një pjesë të vendimit Nr. 321, datë 28.5.2014 PËR SIGURINË NË DET, PLAZHE, NË UJËRAT E BRENDSHME NË THELLËSI TË TERRITORIT DHE GJATË USHTRIMIT TË SPORTEVE UJORE
Këtu do të shohim që përpos lejes së posaçme që duhet të merret për këto mjete lundruese me motor, distanca më e afërt e lundrimit duhet të jetë 150 deri në 200 metra nga bregu (në vartësi të thellësisë), ndërkohë që realiteti është shumë herë më afër se kufiri i vendosur në këtë vendim.
Nuk e dimë se kur do fillojë të respektohet ligji në këtë vend, por nëse vjen ajo ditë do të jetojmë shumë herë më të qetë dhe më të sigurtë se tani.
KUSHTET E SIGURISË PËR PËRDOR+IMIN E VARKAVE ME MOTOR DHE MJETEVE LUNDRUESE ME MOTOR (PËRFSHIRË DHE MOTORËT E UJIT) PËR PËRDORIM PERSONAL NË PLAZHE
- Për të drejtuar një varkë me motor apo me vela, drejtuesi duhet të ketë lejedrejtimin përkatës të lëshuar nga Drejtoria e Përgjithshme Detare, duke siguruar përmbushjen e të gjitha detyrimeve të përcaktuara nga rregullorja përkatëse.
- Distanca më e afërt e lundrimit dhe e kryerjes së aktivitetit për mjetet e sipërpërmendura të jetë 150 deri 200 metra nga bregu (në vartësi të thellësisë).
