Para 1 jave në qytetin e Librazhdit, është denoncuar zhdukja e të resë, Marjeta Zylali, e cila prej 7 vitesh e divorcuar, doli nga dera e shtëpisë për të shkuar në drejtim të paditur!
Emisioni “Me zemër të hapur”, ka rënë në gjurmët e 31-vjeçares Marjeta Zylali, nga Librazhdi.
Në një lidhje telefonike në studio, shoku i Marjetës, Bledi nga Pogradeci, publikoi SMS-të e fundit me 31-vjeçaren, e cila vetëm i shkruan që “Jam në Tiranë”, ndërsa e shoqëron mesazhin e saj me ikona duke qarë dhe lutje, çka ngre dyshime që e reja mund të mbahet peng.
Në studion e emisionit ishte dhe nëna e 31-vjeçares, e cila hodhi akuza ndaj shoqes së Marjetës, Valentinës, dhe një djali nga Elbasani, Gentian Koçi, se po e shfrytëzojnë për interesat e tyre.
Shoku i 31-vjeçares ka zbardhur të tjera detaje. Bledi tha se ka biseduar deri më 14 qershor me Marjetën, pra një ditë para zhdukjes së saj, ndërsa theksoi se pas zhdukjes së saj i shkruan një adresë në “Facebook”, ku i dërgon edhe foto të Marjetës.
