Presidenti Ilir Meta ka reaguar pasi Parlamenti bullgar votoi propozimin francez për Maqedoninë e Veriut, duke hequr kështu VETO-n dhe duke i hapur rrugë nisjes së negociatave dhe me Shqipërinë.
Meta shkruan se Bullgaria ka qenë gjithmonë një mbështetëse e anëtarësimit, ndërsa shton se kjo hapi rrugën për nisjen e negociatave të anëtarësimit për të dyja vendet.
“Më në fund erdhi lajmi i shumëpritur nga Bullgaria mike, që ka qenë gjithmonë një mbështetëse e vendosur e procesit tonë të anëtarësimit. Votimi nga Parlamenti bullgar për heqjen e vetos ndaj Maqedonisë së Veriut, hapi rrugën për nisjen e negociatave të anëtarësimit për të dyja vendet tona. Në pritje të lajmit tjetër nga mbledhja e Këshillit Europian, që vijon ende”, shkruan Meta.
