Kryetari i Partisë Demokratike, Sali Berisha, në një deklaratë për mediat u shpreh se kryeministri Edi Rama ka shkuar në Bruksel si vasal i Aleksandër Vuçiç duke u sjellë në Bruksel si Dodik dhe jo kryeministër i Shqipërisë.
Mes të tjerash për Berishën, mos hapja e negociatave nuk ka të bëjë me Bullgarinë por me mos përmbushjen e kushteve të vendosura nga BE për Shqipërinë.
“Edi Ramës nuk i hapen negociatat. Nuk e pranojnë. Në mënyrë absolute shkaqet themelore nuk është Bullgaria por siç ja tha vetë padroni i tij Vuçiç, janë disa vende të BE që nuk janë dakord për hapjen e negociatave me Shqipërinë. Se Shqipëria nuk i ka plotësuar kushtet e vendosura nga BE. Përkundrazi Shqipëria ka shënuar rrokullisje të mëdha. Pra nuk është vetoja e Bullgarisë, por është regresi i Demokracisë në Shqipëri dhe mos plotësimi i kushteve. Apo grabitja e mandatit të tretë që rrihte gjoksin në BE. Liria e mediave dhe krimi politik të Partisë Socialiste filluar nga Edi Rama. Një shkak tjetër kaq madhor i refuzimit nga BE të hapjes së negociatave dhe mos veçimit nga Maqedonia lidhet me faktin e paprecendentë në historinë e Brukselit dhe në historinë e Shqipërisë. Nëse ju lexoni të gjitha deklaratat para dhe pas samitit të Ramës, faktojnë katërciprisht se ai shkoi në Bruksel jo si përfaqësues i Shqipërisë por si vasal i Aleksandër Vuçiç”, tha Berisha.
