Pavarësisht komoditetit që i ofron qëndrimi në Shtëpinë e Bardhë, Sasha Obama preferon që verën ta kalojë duke punuar.
Vajza e njeriut më të rëndësishëm në botë, presidentit të SHBA-së, ka nisur një punë verore, ku u shërben të tjerëve në restorantin “Nancy’s” në Martha’s Vineyard të Massachusettsit.
Në fotot e publikuara, 15-vjeçarja shfaqet e veshur me një bluzë blu dhe kapele. Adoleshentja është e shoqëruar gjatë periudhës së punës nga 6 agjentë të Shërbimeve Sekrete, të cilët prisnin jashtë kabinës së restorantit, në stolat e vendosura përreth, teksa ajo punon.
Ky vendim nga ana e Sashës është shumë domethës për të gjithë ata adoleshentë dhe të rinjë që presin gjithçka të ju a mundësojë familja, apo në rastin tjetër kur janë të kamur, synim të vetëm kanë reklamimin e pasurisë së tyre nëpër rrjete sociale.
