Një ditë më parë, me ndërmjetësimin e Brukselit Kosova dhe Serbia arritën një marrëveshje për energjinë elektrike në komunat veriore të Kosovës. Radio Evropa e Lirë ka intervistuar disa qytetarë kosovarë në veri të Mitrovicës, të cilët u shprehën se nuk do ta paguajnë rrymën elektrike nëse paratë e tyre i shkojnë një kompanie serbe.
“Do ta paguajmë, por do ta paguajmë nëse paratë shkojnë për fondin e Kosovës, ndryshe jo. Por them, nëse është me ligj të Kosovës dhe paratë shkojnë në fondin e Kosovës, do ta pagujmë ndryshe jo”, shprehet një qytetar.
“Do të ishte dashur që nëpërmjet shtetit tonë t’i bëhet pagesa elektro-distribucionit tonë KEK-ut e jo tjetërkujt. Nuk e di se si janë marrë vesh. Janë udhëheqësit tanë që janë marrë vesh në Bruksel. Ata e dinë me mirë. “-tha një tjetër.
“Besoj se është arritur marrëveshja ashtu siç po e lexoj unë. Në qoftë se ato para, ajo kompani duhet t’i dorëzojë në KEDS. E, në qoftë se ata (Serbët) e kanë nën kontroll ajo nuk është mirë. Ne vetëm institucioneve të Kosovës ua paguajmë”, deklaroi një qytetar skeptik për marrëveshjen
