Pas kërkesës së grupit në PD, të Enkelejd Alibeajt për shkarkimin e OIta Xhaçkës mblidhet Këshilli i mandateve. Ky Këshill do të ketë në fokus imunitetin e ministres Xhaçka. Sjellim në kujtesë se një grup deputetësh të PD-së, kërkuan heqjen e mandatit të ministres Xhaçka.
Mbledhja e Këshillit për Rregullore, Mandatet dhe Imunitetin do të zhvillohet ditën e premte, më datë 24.06.2022 në orën 10:30. Mbledhja do të zhvillohet në Kryesinë e Kuvendit salla “Pjetër Arbnori” .
Në mocion sqarohej: “Kompania e krijuar menjëherë pas miratimit të ligjit për investimet strategjike AG. TCC shpk në pronësi të bashkëshortit të ministres dhe deputetes znj. Olta Xhacka, ka përfituar statusin e investitorit strategjik për ndërtimin e një hoteli disa katësh me 5 yje në një sipërfaqe zhvillimi prej 10,592 m² dhe me vlerë rreth 5,5 milion euro, në Gjilekë, Bashkia Himar. Shoqëria në pronësi të bashkëshortit të ministres dhe deputetes znj. Olta Xhacka ka përfituar masën mbështetëse të lejimit të përdorimit të bregut para hotelit për një periudhë 30 vjeçare, si dhe përfiton nga incentiva e reduktimit të TVSH-së.”
