Spanja është alarmuar pas shfaqjes së rastit të parë të kolerës në më shumë se katër dekada. Bëhet me dije se personi i infektuar tashmë është shëruar dhe asnjë rast tjetër nuk është raportuar ndërkohë. Rasti i parë u zbulua kur një paciente u shtrua në spital privat në Madrid, tha një zëdhënës i autoritetit shëndetësor, pa dhënë datat e shtrimit në spital apo detaje të tjera.
Ajo ishte infektuar pasi kishte pirë ujë nga një pronë në Toledo, 75 km në jug të kryeqytetit në rajonin e Castilla La Mancha dhe prona që atëherë është mbyllur për arsye sigurie, sipas zyrtarëve shëndetësorë në atë rajon.
Kolera është një infeksion akut diarreal i shkaktuar nga bakteri Vibrio cholerae dhe mund të jetë vdekjeprurës nëse nuk trajtohet.
Përhapet kryesisht nga ushqimi dhe uji i kontaminuar. Shpërthimi i fundit i madh i kolerës në Spanjë ishte në vitin 1979 kur 267 raste u raportuan kryesisht në Barcelonë dhe Malaga.
Sulmet izraelite lënë mbi 80 të vrarë në Gaza, Hezbollahu nis raketat drejt Izraelit
Qeveria në Gaza raportoi të shtunën se 84 palestinezë humbën jetën prej goditjeve nga Izraeli një ditë më parë. Ndër...
