Një ngatërresë e pazakontë është bërë nga kartelet e drogës në Çeki, ku një sasi e madhe kokaine ka përfunduar e shpërndarë në disa supermarkete. Dyshohet se trafikantët kanë marrë ngarkesën e gabuar me banane në vend të asaj me kokainë, e cila u zbulua në disa supermarkete në qytetet veriore në Republikën Çeke.
Sipas policisë, janë gjithsej 840 kg kokainë me vlerë rreth 80 milionë euro të cilat u sekuestruan. Oficerët tani po kontrollojnë dyqanet e tjera në vendin ku janë dërguar kutitë. Droga mësohet se është dërguar nga Amerika Qendrore. Kutitë ishin dërguar në dyqane në qytetet Jicin dhe Rychnov nad Kneznou, në rajonin verior të Republikës Çeke. Mesa duket trafikantët kanë ngatërruar të marrin pakot me kokainë por kanë marrë ato me banane.
Duke postuar në Tëitter, policia çeke shpërndau imazhe të kokainës së sekuestruar dhe tha: “Informacioni për dërgesën shkon jashtë Republikës Çeke, prandaj ne do të përdorim bashkëpunimin ndërkombëtar të policisë dhe drejtësisë”.
Sulmet izraelite lënë mbi 80 të vrarë në Gaza, Hezbollahu nis raketat drejt Izraelit
Qeveria në Gaza raportoi të shtunën se 84 palestinezë humbën jetën prej goditjeve nga Izraeli një ditë më parë. Ndër...
