Autoritetet greke zbardhin të tjera detaje nga vrasja e biznesmenit 40-vjeçar në Gerakas pranë Athinës. Sipas tyre, 40-vjeçari është vrarë nga tre vrasës me pagesë në një atentat të mirëfilltë mafioz. Menjëherë pas atentatit, policia greke ka zbuluar disa kilometra më larg një furgon që po digjej dhe brenda tij ndodheshin dy automatikë kallashnikovë që dyshohet të jenë përdorur gjaë ekzekutimit të biznesmenit të njohur.
Mediat lokale bëjnë me dije se viktima dhe babai i tij ishin personazhe të njohur nga policia greke pasi më parë kishin patur të bënin me grupe mafioze, të cilët kontrollonin jetën e natës në Greqi. Më pas, ata kishin punuar intensivisht me autoritetet policore duke çuar në burg shumë persona. Dyshohet se vrasja ka të bëjë pikërisht me këtë fakt, thekson policia.
Ngjarja
Një biznesmen grek është ekzekutuar në një atentat mafioz, mëngjesin e sotëm, në Greqi. Mediat fqinje raportojnë se autorë ende të paidentifikuar kanë qëlluar për vdekje një pronar të një pike karburanti.
Viktimë ka mbetur një 38-vjeçar, i cili është qëlluar sapo ka mbërritur me automjetin e tij të blinduar BMË para pikës së tij të karburantit.
Në momentin kur ai ka zbritur nga makina e tij një makinë tjetër e bardhë, në të cilën udhëtonin katër persona, i është afruar dhe e kanë qëlluar me kallashnikov, duke e lënë të vdekur në vend.
“Washington Examiner”: Lufta ligjore në Shqipëri, si e ndihmoi Biden narkoshtetin e preferuar të Sorosit
"Washington Examiner", përmes një artikulli të gjatë, analizon se si administrata e ish-presidentit amerikan, Joe Biden, ndihmoi narko-shtetin e Edi Ramës,...
