Pas daljes nga shtëpia më e famshme në Shqipëri, ajo e “Big Brother VIP”, këngëtarja e njohur Semi Jaupaj u kthye më fuqishëm se kurrë në muzikë. Ajo publikoi dy këngët e saj me titull “Mos u kthe” dhe “Ani”, të cilat u pritën mjaft mirë nga publiku që nga çastet e para të publikimit dhe që numërojnë miliona klikime.
Teksa së fundmi vetë Semi po përflitet për një lidhje me Ron Zaitin, këngëtarja i ka habitur të gjithë me postimin e fundit në rrjetin e saj social Instagram. Bukuroshja në formë shakaje ka prezantuar një prej shokëve të saj dhe ka bërë një kërkesë për të gjithë ndjekëset e saj duke treguar se djali është single dhe kërkon një partnere.
Së fundmi, kujtojmë se Semi ka publikuar bashkëpunimin e ri me Ron Zaitin, i cili titullohet “All ur loving” dhe deri më tani ka kaluar 4 milion klikime në pak ditë. Pak ditë më parë Ron ka festuar ditëlindjen dhe ka marrë urime nga shumë artistë. Teksa të gjithë prisnin një urim nga ana e Semit në rrjete sociale, ky urim nuk erdhi. Kohëve të fundit po përflitej se ka lindur një romancë mes tyre. Gjithçka qëndron në kuadrin e thashethemeve, megjithatë në rrjet qarkulloi një foto ku tregon deri diku afrimitetin mes dyshes, teksa shfaqen së bashku krah për krah edhe pse mund të jenë thjesht miq.
