Një ngjarje e rëndë ka ndodhur ditën e sotme ku një nënë e re 20-vjeçare, ka humbur jetën pasi ka rënë në kontakt me energjinë elektrike, ndërsa ka futur dorën në lavatriçe. Ndërkohë që makina larëse ishte ende në punë.
Mediat ndërkombëtare raportojnë se 20-vjeçarja braziliane Viviane Rodrigues kishte vënë lavatriçen në punë, ndërsa ndodhej në banesën e saj në Juazeiro, Brazili verilindor.
Hetuesit bëjnë me dije se ajo pësoi një tronditje të madhe kur futi dorën në makinë ndërsa ajo ishte ende në punë për të tërhequr disa sende veshjesh.
Burri i saj e dërgoi me urgjencë në njësinë e urgjencës së spitalit lokal, por zonja Rodrigues nënë e një djali nëntë muajsh u deklarua e vdekur pas mbërritjes.
Pas një autopsie, trupi i saj u dërgua në komunitetin rural të Gameleira do Di në komunën e Campo Formoso, ku jeton familja e saj. Ajo u varros në Gameleira do Di më 16 qershor.
