Të izoluarit nën regjimin “41 bis” janë futur në grevë urie.
Sipas tyre, kushtet e këtij regjimi të posaçëm burgu iu kanë krijuar probleme shëndetësore.
Në një prononcim për Boldneës.al, avokati i një prej personave nën këtë regjim të rreptë pohoi se kjo e premte shënon ditën e pestë të grevës që po zhvillohet në shenjë protestë për kushtet e këqija.
“Te gjithë të paraburgosurit janë në greve. Arsyet janë për shkak të kushteve rënda si dhe keqtrajtimi nga pikëpamja e mos lejimit të takimeve me familjarët dhe ushqimit. Nuk u lejohet ushqim nga familjarët. Ushqimi i stërvitur është në kushtet ç‘njerëzore, kanë pretendime në lidhje me kequshqyerjen, kushtet e rënda të regjimit ushqimor dhe trajtimin e institucionit”, tha avokati Ledion Branko.
Në këtë situatë, shtoi ai, ata kanë vendosur të heqin dorë nga ushqimi në shenje proteste. Avokati tha se ka qenë vetë prezent dha ka pasur takime me drejtues të institucionit. Në burg, ai tregon se ka konstatuar që disa nga të paraburgosurit e “41 bis” kishin probleme shëndetësore.
“Nga sa konstatova kur isha prezent, Rraja (Redian Rraja) kishte probleme, po bënte serum. Viktor Ymeri shfaqte shenja lodhjeje”, tha ai.
