“Një vrasje me parandim dhe e studiuar në çdo detaj”, kështu e ka cilësuar masakrimin e 5-vjeçares Elena nga nëna e saj Martina Patti, i ati i vogëlushes.
“Jam shkatërruar dhe ndjej një boshllëk të pakalueshëm brenda. Gjithmonë i kam premtuar vajzës sime se do ta mbaj të sigurte si çdo baba i mirë, do të jap jetën time për të. Një vrasje në të cilën njeriu krijon një alibi dhe fsheh trupin nuk mund të jetë një gjendje çmendurie. Martina është një përbindësh që nuk e meritonte një vajzë si Elena, që ishte e veçantë dhe unike në gjithçka”, ka thënë babai i Elenës, Alessandro Del Pozzo.
Babai i vogëlushes Elena shprehet se nuk e kishte menduar kurrë që duhet ta kishte mbrojtur nga e ëma.
“Kurrë dhe e përsëris, kurrë, nuk mund të mendoja se duhej ta kisha mbrojtur nga e ëma. Të gjithë flasin për dashurinë e nënës, por askush nuk flet kurrë për sakrificat që bën një baba. Elena jeton çdo ditë në zemrën time. Vrasje me paramendim dhe 24 orë gënjeshtra. Kam dëgjuar për çmenduri dhe xhelozi morbide por nuk kam dëgjuar për keqdashje dhe sadizëm”, pohon Alessandro Del Pozzo në mesazhin që ia ka besuar motrës së tij, Vanesës.
“Washington Examiner”: Lufta ligjore në Shqipëri, si e ndihmoi Biden narkoshtetin e preferuar të Sorosit
"Washington Examiner", përmes një artikulli të gjatë, analizon se si administrata e ish-presidentit amerikan, Joe Biden, ndihmoi narko-shtetin e Edi Ramës,...
