Çështja e ngordhjes së 4200 rosave në fshatin Mizë të Divajkës është konsideruar e mbyllur nga specialistët veterinarë, ku sipas tyre ka dalë rezultati përfundimtar i analizave mbi shpendët e ngordhur, është bërë dezinfektimi i të gjithë zonës, groposja e shpendëve dhe vënia nën karantinim i fermës.
Po sot, burimet ritheksuan se rasti i fermës së shpendëve të Ardian Bakiu është një rast i veçuar, që nuk ka shkaktuar pasoja në zona të tjera të fshatit.
Sipas tyre bëhet fjalë për një numër të konsiderueshëm rikash të vogla të cilat Ardian Bakiu i merrte nga zona të ndryshme të vendit dhe i rriste në rezervuarin ujor në territorin e fermës së tij.
Raportohet se infeksioni i rënë mbi këtë fermë është një infeksion i zakonshëm shpendësh, por jo inflamator.
Kujtojmë që fermerët në fshatin Mizë të Divjakës, i erdhën në ndihmë biznesmenit Ardian Bakiut për të groposur 4 200 mirëpo pas kontaktit me to, përfunduan në spital. banorët u shtruan në spital pasi shfaqën simptomat temperaturë e lartë dhe këputje në trup.
