Në datën 7 korrik 2022 Kuvendi i Shqipërisë do të mbajë një seancë të posaçme plenare në përkujtim të viktimave që la pas gjenocidi serb në Kosovë. Kjo datë për këtë seancë u miratua këtë të enjte që të futet në kalendarin e punimeve të Kuvendit.
Zv.kryetarja Ermonela Felaj tha se Kuvendi i Shqipërisë nuk ka qenë dhe s’ka për të qenë kurrë i ndarë sa i takon dënimit të gjenocidit serb.
“Po është diskutuar dje në konferencën e kryetarëve dhe është hapur një diskutim që nuk është përmbyllur ende pot që synon të bëjë bashkë të gjithë grupet parlamentare në Kuvendin e Shqipërisë por jo vetëm se nuk ka asnjë dyshim që Kuvendi i Shqipërisë nuk ka qenë dhe s’ka për të qenë kurrë i ndarë sa i takon dënimit të gjenocidit serb qoftë në Kosovë qoftë në Srebrenicë”.
Kujtojmë se disa ditë më parë, Felaj i ka cilësuar projektrezolutat e propozuara nga opozita për dënimin e gjenocidit serb në Kosovë, si një instrument për t’i rënë ndesh Ballkanit të Hapur duke i quajtur si hipokrite.
