Presidentja e Kosovës, Vjosa Osmani ka pritur sot në takim, presidentin e Këshillit Evropian, Charles Michel. Takimi mes Osmanit dhe Michel tashmë ka filluar, dhe pas përfundimit është paralajmëruar një konferencë e përbashkët për media.
Pas Osmanit, nga ora 11:50, Michel do të pritet edhe nga kryeministri Albin Kurti. Për shkak të vizitës së tij, policia ka njoftuar se do të ketë ndërprerje të përkohshme të trafikut në disa segmente rrugore.
Policia e Kosovës bën të ditur se gjatë kësaj vizite do të kujdeset për ofrimin e sigurisë dhe mirëmbajtjen e rendit e qetësisë publike, gjatë kohës së lëvizjes së eskortës dhe qëndrimit të delegacionit në Kosovë.
